«ОРДАБАСЫ» СТЕЛАСЫ

Ордабасы тауының биік шыңында 28 м биіктікте өскелең ұрпаққа мұра ретінде қазақ тайпаларының жоңғар шапқыншылығына қарсы біріккен жылдарының (1723-1725) ескерткіші орнатылған. Үш қырлы стела ақ мәрмәр тақталармен қапталған. Әр қыры Қазақстанның әр аймағына қарап тұрғандай секілді: Сырдария – батыс жағында, Қаратау таулары – солтүстік жағында, Қазығұрт тауы – оңтүстік-шығыс жағында. Стеланың әрбір қырына ұлы үш бидің айтқан өсиеттері жазылған тақтайшалар бекітілген. Мемориал 2001 жылы ұлы құрылтайдың 275 жылдығына және Қазақстанның 10 жылдығына арналып тұрғызылды. Мүсінші А.Мамырбаев пен архитектор Ғ.Садырбаев кешеннің авторлары болып табылады. Дәл осы жерде 1993 жылы Қазақстанның, Өзбекстанның және Қырғызстанның Президенттері мәңгі достық туралы қол қойған трибуна бар.

Қорықтың территориясына орталық кіру есігінің жанында пирамида тәріздес ғимарат бар, мұнда мұражай орналасқан. Мұражай экспозициясының негізін қорық территориясында табылған және көне дәуірден бері қолданыста болған қызықты археологиялық экспонаттар құрайды. Керемет сақталған сақ қылышы – акинак, несториандық кіресі бар кірпіш, сонымен қатар, қазақ-жоңғар соғысын сипаттайтын толық карталар ерекше назар аудартады. Мұражай қоры мен экспозициясында барлығы 1376 экспонат бар.